PEDAGOGIK TA’LIMDA IJTIMOIY APATIYA MUAMMOSI VA UNI BARTARAF ETISHNING YANGI YO‘NALISHLARI

Аннотация

Mazkur maqolada pedagogik ta’lim tizimida kuzatilayotgan ijtimoiy apatiya hodisasining mohiyati, uning psixologik, ijtimoiy va kasbiy omillari tahlil qilinadi. Ijtimoiy apatiya — shaxsning jamiyat hayotiga, o‘quv jarayoniga, kasbiy faoliyatga nisbatan befarqlik va passiv munosabat ko‘rsatish holatidir. Ushbu holat ta’lim sifatiga, pedagoglarning kasbiy samaradorligiga va talabalarning o‘qishga bo‘lgan motivatsiyasiga salbiy ta’sir ko‘rsatmoqda. Maqolada apatiyaning paydo bo‘lish sabablari sifatida pedagogik muhitdagi psixologik bosim, emotsional toliqish, o‘quv yuklamasining ortiqligi, rag‘bat tizimining sustligi hamda raqamli o‘qitish jarayoniga moslashishdagi qiyinchiliklar keltiriladi. Muallif tomonidan ijtimoiy apatiyani kamaytirishning yangi yondashuvlari — motivatsion menejment tizimi, raqamli psixologik monitoring, mentorlik dasturlari, ijodiy o‘qitish usullari va ijtimoiy loyihalash konsepsiyalari orqali yechim taklif etiladi. Natijada pedagogik ta’lim tizimida shaxsiy faollik, ijtimoiy mas’uliyat va kasbiy barqarorlikni mustahkamlash yo‘llari ilmiy asosda yoritilgan.