EPILEPTIK BEMORLARDA OG’IZ BO’SHLIG’I GIGIYENIK HOLATINI BAHOLASH

Аннотация

Mazkur ilmiy ish epilepsiya bilan og‘rigan bemorlarda og‘iz bo‘shlig‘i gigiyenik holatini baholashga bag‘ishlangan. Epilepsiya markaziy asab tizimining surunkali kasalligi bo‘lib, uzoq muddatli dori terapiyasi va takrorlanuvchi tutqanoqlar bilan kechadi. Ushbu omillar bemorlarning umumiy sog‘lig‘i bilan bir qatorda stomatologik salomatligiga ham salbiy ta’sir ko‘rsatadi. Tadqiqot davomida epilepsiyali bemorlarda og‘iz bo‘shlig‘ining gigiyenik holati klinik va indeksli usullar yordamida baholandi. Olingan natijalar tish blyashkasi, tish toshlari va milk yallig‘lanish jarayonlarining keng tarqalganligini ko‘rsatdi. Antiepileptik dori vositalarini uzoq muddat qabul qilish milk giperplaziyasi va og‘iz bo‘shlig‘i shilliq qavatining quruqligiga olib kelishi aniqlangan. Tadqiqot natijalari epilepsiyali bemorlar uchun individual stomatologik profilaktika dasturlarini ishlab chiqish va multidisiplinar yondashuvni kuchaytirish zarurligini asoslaydi.